فرصة ذهبية للهروب من سجن الدهون ...لا تفوت تلك الفرصة واليوم الاول من المسابقة
الهروب من سجن الدهون
هتفضل لحد امتى عايش ف الظلام
الظلام اللي خلاك تتخبط شمال ويمين
الظلام اللي خلاك متعرفش الطريق الصحيح
وانت بتبقى فاكر انك مش عارف توصل لأنك ضعيف لكن الحقيقة ان انت مش شايف الطريق واللي دلك ع الطريق كان بيستغلك
لكن الحقيقة الطريق الصحيح موجود والامل كمان موجود
موجود مع نفسك تخس البيت الكبير 🏠
اللي بيضم ناس كتيرة لهم نفس الهدف
البيت الكبير اللي بيشدك من ايدك عشان تتغير ويطبطب عليك ويقولك الطريق الصحيح
كل اللي عليك ان انت تلتزم
اهلا بيكم ومسابقة جديدة ومسابقة سعيدة وان شاء الله هنوصل جميعا لهدفنا 🎉
شاهد الرسالة
~~~~~~~~~~~~~~~~~
- عايزك ترمي الظلام اللي فات دا ورا ظهرك خلاص
وابتدي بداية جديدة معانا وبداية صح
= طب انا ايه يضمنني مش يمكن تكون بتضحك عليا
- الحقيقة عايز تشوف شوف بعنيك وبعقلك وبقلبك هتلاقي بجد التغيير
التغيير اللي غير ناس من البؤس واليأس وحولهم الى مصدر بهجة وسعادة للملاين
ناس كتير كانت فاكرة ان جواها ضعيف ومش هتقدر توصل وخلاص هتعيش وتموت تخينة مكانتش يعرف ان جواه طاقة بتغير ملايين بسبب صورة
عشان كدا بقولك اوعى تستقل بنفسك اوعى تكون فاكر نفسك ضعيف او ان كل اللي فات دا هيأثر عليك انت قوي وهتستمر بقوتك دي مش بس عشان تغير من نفسك لا انت هتغير بيها ناس كتير جدا
النهاردة هتكون رحلة جديدة وتحدي جديد النهارده هيكون يوم مختلف لناس كتير ناس كتير بتعتبر النهارده انتصار انتصار بيكملوه مع مسابقات فاتت ناس حققت انجازات في المسابقات اللي فاتت ومكملين معانا
بدايه امل بيتجدد مع ناس كانت مكمله معانا والامل هيفضل معاك ان شاء الله حتى بعد ما تتغير وونشاط الناس دي بوجهلهم الرسالة دي وبقوللهم {انت الكسبان} والله انت الكسبانه و هتشوف بعينك التغيير وبقولك استفيد بال 11 يوم دول لانك لو عدي عليك ال 11 يوم دول من غير ما تتغير و ال 11 يوم دول هيفرقوا معاك شكلا وموضوعا وميزانا ومقاساتا وكل شئ
كل شيء هيتغير وهتستمتع فعلا بالحياه واللي هيكون من افضل شهور السنه
فاكرين لما كنت بقوللكم الشتاء افضل شهور السنة هو وشهر رمضان فعندك الفرصة جيا
الفرصة اللي هتصغرلك معدتك في اقل وقت انت مش متخيلة عندك الفرصه جايه اللي هتغير لك شهيتك فخلي الفرصة فرصتين والتزم بالمسابقه دي مع مسابقه رمضان علشان تنسف كرش عندك
ااعاني من دهون في بطنة في رجلة في كتفة في صدرة فأي حتة هيقدر انة يقضي عليها
اصبر علشان توصل لهدفك
انت ماشي فالطريق الصحيح لكن المقاس مشجعنى الحقيقه لازم تملك ثقافه التغيير هات مقاساتك وقيس نفسك اكتب المقاسات دي في ورقه اتفرج على نفسك بعد 11 يوم لو مش مصدق اسال الناس اللي اتغيرت اسال الناس اللي بتدعي لنا كل يوم من قلبها وبيدخلوا كل يوم على الرساله علشان يقولو و يكتبوا احنا مكملين معاكم الناس اتغيرت ونفسها انت كمان تتغير علشان كده بقولك قدامك الفرصه انظمه سهله و بسيطه و كمان انظمه رمضان اللي هتنزل ان شاء الله انظمه سهله في متناول الجميع الناس كلها هتتغير عشان كده بقول لكل واحد فيكو بدأ معانا و قرر انه هو يتغير اول حاجه لازم يعملها النية الصادقة لازم تنوي ان انت تتغير علشان تصلح عمل انت فسدتة لسنوات عتحافظ على صحتك اللي ربنا ادهالك امانه صحتك دي لما تقع محدش هينفعك والله محدش هيقف معاك
هيقفوا معاك اه شوية بس بعد شوية هيزهقوا وهيسبوك لوحدك
علشان كده انا مش عايزك تتحوج لحد مش عايزك حتى تتحوج لينا علشان كدا احنا من اول يوم بنديلك كل اللي عندنا علشان تعتمد على نفسك علشان تعرف ان انت قوي وهتتغير علشان مش عايزينك في يوم من الايام تقول انا قاعد في البيت و محدش بيسال عليا هو انا نفسي ادخل الحمام لكن مستني حد يجي ياخد بايديا اتغير قبل ماحد يجي يجبرك انك تتغير
اتغير علشان نفسك و صحتك و بيتك و اهلك اتغير عشان تستمتع بالحياه و تعرف قيمه الحياه الحقيقيه من اللي انت كنت فاكرها حياه اتغير علشان نفسك اتغير علشان تفرح كل الناس اللي مفروض تفرحهم في حياتك ماتبقاش عبء عليهم
لو عندك اطفال ما تبقاش عبء عليهم و بدل ما انت تساعدهم ماتستناش يجو يساعدوك
انا نفسي افضل اقول واعيد كل شوية واقولك اتغير.
انا عارف انك ممكن تكون زهقت مني ولكن هفضل اقول واتكلم واعيد لحد ماتتغير ولحد ماتعرف ان انت جواك طاقة كبيرة ولحد ما انت تدعيلنا بنفسك
اتغير قبل ما يجيلك مرض و تقول ياريتني كنت سمعت كلام الناس دي مش لازم تمشي معانا هات نظام صحي متاكد انه صحي وامشي عليه
اتغير عشان صحتك دي كنز لو ضاع منك مش هتعرف تعوضة تاني
تحياتي لكل الناس اللي بتتابعنا و اتمنى لكم حياه سعيده ان شاء الله