ليلة بكيت فيها!!!
ليلة بكيت فيها فغيرت حياتي
ليلة 27رمضان ليله وتريه نحسبها ليلة القدر بإذن الله في مثل هذا الوقت من خمس سنوات كنت بدعي ربنا يخلصني من الهم اللي انا فيه من هم السمنه وسجن السمنه والتعب اللي انا فيه وكان بيعدي سنه وراء سنه وانا ادعوا الله ان يستجيب لي وسبحان الله عندي يقين بالله ويقيني ان الله شايلي الافضل كمان مما ادعوا ويشاء السميع العليم ان الدعاء بتاعي ربنا استجاب له وكمان عطالي نعم كثيره جدا جدا وهو انتم
اليقين بالله ياساده والدعاء اللي انت لوفضلت فعلا تقوله وتكرره هتلاقي اشياء بتحدث في حياتك انت مش متوقعها اصلا انها تحدث والاشياء اللي شايفها انها تحدث ربنا بيدبرهالك وتجد الدنيا متسهله معك بشكل انت لاتتخيله الدعاء واليقين بالله والتوكل على الله كل هذه الاشياء لو زرعتها جوه قلبك هتلاقي تغيير كبير جدا في حياتك الناس اللي بتقولك انا مش هقدر اخس انا هعيش واموت كده انت لوتوكلت على الله هتلاقي ربنا هيكرمك وتجد ابواب كثيره بتتفتح الك مثل النهارده كنت بقف وادعوا الله ان يخلصني من السمنه يارب لاتنهي عليا هذه السنه الا وقد جعلتني اتخلص من هذه السمنه يارب اعيني ع نفسي واجاهد نفسي والحمد لله ربنا استجاب وجعلني اساعد الناس البعض بيقول انت مآفور اوي الموضوع مش مستاهل ده كله ايه المشكله ان الواحد يبئا وزنه زياده حضرتك بتقيس الموضوع بعينك انت حالتك انت السمنه بالنسبه لناس موت والتخلص منها حياة في ناس بتشوف السمنه دي هدم لبيتها واسرتها واولادها هتتيتم ومش هتقدر يعول البيت ناس شايفه السمنه ارهاق للنفس وللبدن وان انت هتفضل عايش كده في دوامه الناس بتشوف السمنه كل شوي رايح عند الدكتور عشان عندك سكر عندك ضغط القلب ادويه ارهاق مادي ونفسي وبدني وكمان مش قادر تساعد اللي حواليك بتلاقي شخص عنده 20سنه مقبل ع الزواج وتلاقيه عند دكتور العظام لان عنده خشونه بالركبه دا لسه لم يبدأ حياته فبلاش تقيس السمنه بمنظورك انت في بعض الناس لو وزنها زايد 3كيلو بتحس انها في كرب ومصيبه لان ده مؤشر خطر عليهم لكن بعض الناس بتنظر ان ايه يعني شكلك تخين كوني راضيه عن نفسك الموضوع مش شكل قد ماهو صحه انا كنت بقول لنفسي شكلي حلو وانا تخين وكنت بتفرج ع قناة طيور الجنه واحد اسمه محمد بشار وكنت اقول انا شبه محمد بشار وحلو وجميل لغاية لما جالي خشونه وضغط وكنت داخل ع سكر ساعتها قولت كفايه دانا عندي 30 سنه وعندي كل الامراض دي بعد كده هيحصلي ايه فبلاش تقول ان الموضوع اوفر لان الموضوع ده حياه
امس كنت واقف مع العطار بنتناقش ع الشوفان ولقيت 2بيشاوروا يقولوا هو ده ولا مش هو روحت سلمت عليهم قالتلي كنت 102 والان رفيعه اوي الناس مبسوطه السعاده المنتظره تجعل الواحد يبذل مافي جهده اقصى ماعنده عشان يساعد الناس عمري ماتعبت اني بساعد في الصفحه ولا تعبت لما بسافر بال3 ساعات عشان اقابل ناس بالايفينتات عمري ماتعبت دانا بكون في قمة السعاده لما واحد يقول لي انا خسيت معاكم 40كيلو انا وزوجتي وبندعيلك ومتابعينك قمة السعاده وانت بتشوف السعاده في وجوه ناس كثيره
في برنامج اسمه اطمئن قلبي رغم ان عندي بعض النقد عليه اللي شوفته اد ايه احنا في نعمه سبحان الله لما شفت الحلقه للمدرس اللي بئاله 13سنه بيغسل كلى اللي بتشرب المياه طبيعي تتغسل كليتك والراجل كان سعيد انه في حدا بيساعده بالمال فمابالك اللي ساعدك بالصحه يمكن بعض الامراض بتكون غصب عننا لكن مش نجيب الامراض لانفسنا التحفظ ع البرنامج انه بيجيب الناس بصورتها يمكن عشان احتياجهم للمال بيوافقوا يظهروا وممكن يكون في ناس رفضت بس هو برنامج انساني وبيقولك تقدر تساعد الناس دي اللي اثر عليا الشقيري برنامجه الرائع خواطر الاحسان لما ربنا يعطيك من الفضل لازم تعطي غيرك من هذا الفضل وتساعد غيرك لغاية مايوصل لهدفه الموضوع مش افوره الموضوع احساس بما كنت اعانيه فانقله اليكم