مستني إيه علشان تبدأ الرجيم؟! وعمر خس ٧٤ كيلو جرام
مستني إيه؟؟
اسعد الله صباحكم بكل خير صباح جديد لا المقدمة كدا اصبحت مملة الناس بتقول لي مقدماتك قدمت عايزين حاجة جديدة حاجة مسكرة كدا
يعني مثلا اسعد الله لا بلاش اسعد الله احنا عايزين حاجة مسكرة
مسكرة مسكرة 🤔 اه 💡صباح الكنافة بالقشطة 😋 بالمكسرات 🌰 صباح الجلاش بالكاسترد 🍮 وعليها عصير برتقال 🍊 حلو دا !؟ شغال جميل!؟ هو دا الحاجة الوحيدة اللي انتم بتحبوها تقريبا 🌚
الحقيقة يعني في سؤال بنسألة لنفسنا كتير وهو هنبدأ دايت امتى !؟
يعني في ناس كتير مننا بتقول لا شهر رمضان ما ينفعش رمضان بتاع الكنافه والقطايف والحاجات دي يعني رمضان بتاع الحلويات دي والعيد بئا نبدا ناكل رنجه علشان نحدق هناكل معاها الكحكه عشان نسكر ونفضل نحدق ونسكر نحدق ونسكر ونقعد ندخل في دوامة تحديق وتسكير لحد ما تيجي بعد رمضان والعيد تلاقيك زدت بتاع 2 طن ولا حاجه وتلاقي واحد جايلك يقوللك انا مابقيتش شايف قدامي من كرشي 😱 حضرتك انا بقيت بتكفي على وشي من كتر تقل كرشي وتلاقي كدا بعض التعليقات الغريبة جدا ودا نتيجة الناس اللي مابتبقاش مهتمة اوي بالموضوع يعني شايفة ان الموضوع دا حاجة فرعية جدا وان الاكل دا حاجة مهمة جدا وان مش ممكن ان انا استغنى عن الاكل 🤓
اللي لازم تعرفة ان انت في مرحلة حرجة ولازم ان انت تتغير وان كل يوم بيعدي عليك بتخسر حاجة من حياتك بتخسر جزء حلو من حياتك جزء من صحتك ممكن مايتعوضش تاني مممن تتمني ان انت ترجع تاني بس مابيبقاش عندك خيار انك ترجع تاني زرار ال undo دا مش موجود تقريبا او ممكن مابكونش موجود في حياتنا وخصوصا مع السمنة 😪 تلاقي نفسك مرة واحدة مريض ضغط ومريض سكر 🤕🤒 وتلاقي نفسك عمال تلف حوالين نفسك ونفسك ان انت ترجع تاني زي ما قلت وبقولك تاني ان الصحة والنعم اللي ربنا اداهالك دي ان لو نعمة واحدة راحت اد ايه بتكون تعبان ناس كتير بتتمنى بس ان هي تمشي على رجليها من غير ماتتألم 😓 احساسي زمان بالخشونة في بداية التخن عندي او بداية تأثير التخن عليا كانت الخشونة
الخشونة فالركبة الشمال وحجم النار وكأن في حاجتين قاعدين يحتكوا ببعض كدا طول اليوم وبحس ان ركبتي مولعة نار ووارمة 🔥 الركبة اللي كنت بلبسها فوق ركبتي اللي هو الحزام الطبي علشان خاطر يخفف الالم شوية يعني احساس بجد فظيع احساس كفيل انة يغيرك بجد 180 درجه طبعا اللي متابعنا على الصفحة او متابع المنتدى اللي ع اليوتيوب هل اننا نزلنا انجازات كتير على الصفحه بالامس والحقيقه الناس بتتشجع اول ما تشوف الانجازات دي💪 و اخر انجاز كان من الجزائر وطبعا معروف عن اهل الجزائر انهم بيعملوا انجازات رائعه تحيه لاهل الجزائر كلهم🎊 يعني عمر اللي خس من 170 لحد 96 يعني اكتر من 74 كيلو نزول ما شاء الله كان عباره عن جسم كده
عمر قبل التغيير بوزن ١٧٠ كيلو جرام
عمر بعد خسارته مايقرب من ٧٤ كيلو جرام
عمر حاملا دهونه
عمر بعد التغيير
وسبحان الله اتغير مع القناه وعلى الصفحه وهو ده بس اللي عملوا انه هو التزم وده اللي انا مقتنع بيه انو قسما بالله حتى لو عندك مشكله تعوق نزول وزنك بس ملتزم فعلا فعلا هتحقق نتيجه انت مش متخيلها 😻 ويقول لك انا ملتزم هو مش ملتزم ده انا عارف عاشرت ناس كثير جدا اللي هو ايه انا عايش ومش عايش انا ملتزم مش ملتزم اللي هو ملتزم ظاهريا لكن فعليا مش ملتزم لكن اللي انا عاشرتهم وكانو ملتزمين فعلا سواء عندهم غده درقيه بقى عندة روماتويد وبياخد كورتيزون او اي مشاكل تعيق نزولة ما شاء الله عليهم بيخسوا و بيحققوا نتيجه علشان كده انا بقول لك ان الموضوع كله متوقف عليك انت الموضوع مش انك تتشجع بشويه صور وتفضل تقول فين النظام عايزين النظام 😡
طب النظام موجود 😏
موجود ع ال application وع الصفحة كل حاجه بين ايديك واول ما يجيلك النظام تقول خلاص انا هبدا بعد رمضان دا اذا اصلا بصيت في النظام يعني ممكن وانت بتقرا النظام تلاقي طبق كنافه معدي من قدامك فتنسى انت كنت بتقرا ايه تقوم قافل الفون وواكل الكنافة وتتصل بصاحبك تقولة هنتغدى بكره عند صبحي كابر ولا مش عارف رايحين فين احنا عاوزين ناكل ريش ومش عارف ايه الكلام دا 🥩🥓 وتنسى اصلا انت كنت بتتفرج على ايه ولسه بقى عقبال ما تشوفنا تاني صدفه في احدى الرسائل يكون مثلا فات شهر ولا شهرين يعني
طبعا احنا في رمضان عمالين نسكر يعني ناكل سكريات سكريات سكريات و اول ما يدخل العيد بقى نلاقي ماسوره رنجه وفسيخ دخلت علينا مش عارف جديده صراحه ان انت تاكل رنجه وفسيخ في العيد الصغير🍽
ويجي يقولك انا عايز حل سريع عايز حل من الاخر و تلاقيه عمال يعيد بقى من تاني ينط من هنا على صفحه هنا من صفحه هنا و ياخذ من كل حته شويه هتلاقي واحد داخل عليه يقول مش عارف ايه يضيع الكرش في ثواني
من الاخر يا جماعه الموضوع موضوع قرار انت بتاخد القرار واحنا علينا اننا نساعدك بنقدملك المحتوى اللي تقدر تغير حياتك باقل التكاليف ومحتوى مجاني لان القناه قناه انسانيه 💙 يعني في ناس بتطلب منى متابعه خاصه انا ما بتابعش حد خاص للاسف انا ما بحبش الخاص لان على العام بفيد ناس كتير بدل ما افيد واحد بس على الخاص الوقت اللي هيضيع على واحد بس في الخاص وانا عارف انه هو مش عاوز يتغير مش هيتغير لكن الفيديو دا ممكن يفيد ناس كتير جدا 😄
عشان كده لو انت بتشوفنا على القناه او على صفحتنا على الفيسبوك يبقى اكيد عارف ان الشير والايك والكومنت ممكن تخلي الفيديو ده يوصل لحد فعلا محتاج يتغير وطبعا دعمكم باللايك للناس اللي بتقول ندعمكم ازاي اللايك هو اكبر دعم لان احنا هدفنا نشر الخير و باللايك ده انت بتساعدنا في نشر الخير